മാമകവാടിയിൽ വസന്തം നിറയ്ക്കുവാൻ
മാനസേശ്വരാ നീ വന്നണയില്ലേ...?
കാമിനി രാധിക ഞാനിതാ പാടുന്നു
ശോകാർദ്രമാമീ പ്രണയഗീതം..
അവനിയിലാകവേ വസന്തം നിറയ്ക്കുന്ന
പൂങ്കുയിൽ നീയെന്നറിയുന്നു ഞാൻ...
രാധയും മീരയും ഗീതയും ഗോപിയും
പേരറിയാത്തൊരാ നാരീജനങ്ങളും..
ഏവരും നിനക്കായ് കേഴുന്ന രാത്രിയിൽ
പ്രിയമോടെ നീയോ പാടുന്ന മാത്രയിൽ...
ഏകയായ് കണ്ണഞാൻ ചെവിയോർത്തിരിപ്പു... നിൻ കരുണാലോലമാം വേണുഗാനത്തിനായ്...
നന്ദകിശോരാ വരുനീ കരുണാ വിലോലാ...
ഒരു മാത്ര വന്നീ രാധയെ പുണരൂ...
ആനന്ദമലരായി ഈ വാടിയിൽ
വിടരൂ...
മാനസേശ്വരാ മായാവിലോലാ
കാത്തിരിപ്പുണ്ടിങ്ങ് കാമിനി രാധിക...
nabithanarayanan madathil
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ